Back to the Main Page
צוריק צו דער הויפּט־זײַט
Back to the Articles List
צו אַנדערע אַרטיקלען
Archive
אַרכיוו
Subscription
אַבאָנירן זיך
האַרבסט 2007 — ווינטער 2008 FALL 2007 - WINTER 2008
איטעלאַ מאַסטבאַום:
אויפֿן וועג צו עכטער קונסט
פֿון אַלכּסנדר דובינטשיק, פֿאַרדינסטפֿולער מאָלער פֿון רוסלאַנד, פּעדאַגאָג
| The painter Itella Mastbaum lives and creates in Israel. Her Moscow teacher Alexander Dubinchik describes her work in the current artistic supplement. | 
|
די מאָלערין איטעלאַ מאַסטבאַום לעבט און שאַפֿט אין ישׂראל. אין דער הײַנטיקער קינסטלערישער בײַלאַגע וועגן איר שאַפֿונג דערציילט איר מאָסקווער לערער אַלכּסנדר דובינטשיק. |
|
“It’s hard to become an artist. It’s hard to be an artist, and it’s even harder to remain an artist. However, Mastbaum is always en route, despite the relative unimportance of precise location for the artist. Far more important is the understanding of the direction in which the artist is moving. I am certain that Itella Mastbaum’s art is heading in the right direction."
Alexander Dubinchik | ||
|
||||||||||
די מאָלערין איטעלאַ מאַסטבאַום קען איך פֿון לאַנג און, כ‘וויל האָפֿן, גוט. אַ צייכן פֿון אויפֿריכטיקע געפֿילן ליגט אויף אַלע אירע ווערק.
נאָך אין יענער צײַט ווען זי האָט זיך געלערנט בײַ מיר, האָט זי צו זיך צוגעצויגן מיט איר אײַנגעטראַכטקייט, מיט איר האָבן אַן אייגענע מיינונג, וואָס האָט אַגבֿ נישט אָפּגעוואָרפֿן קיין מיינונג פֿון אַן אַנדער מאָלער, נאָר פֿאַרקערט, עס אויפֿגענומען מיט צוטרוי. מאַסטבאַום איז זייער אַ פֿילזײַטיקע מאָלערין. זי מאָלט אין פֿאַרשידענע זשאַנערס: נאַטורמאָרט און פּאָרטרעטן, ביכער־גראַפֿיק און טעאַטער־דעקאָראַציעס.
זי האָט אויסגעפּרוּווט אירע שאַפֿערישע כּוחות אין קעראַמיק, אַליין אָנגעשריבן אַ פּיעסע, צוגעטראַכט ייִדישע געשיכטעס, געווען אַ לערערין אין אַ קיסטלערישער וואַרשטאַט, ממשיך געווען דעם וועג פֿון איר טאַטן — אַ באַשיידענעם קינסטלער און אַ מענטש מיט גלויבן אין ציכטיקע אידעאַלן.
פֿאַר מיר פּערזענלעך איז וויכטיק צו זען, אַז די שאַפֿונג פֿון איטעלאַ מאַסטבאַום ווערט אינספּירירט פֿון אירע אייגענע איבערצײַגענישן, נישט "געבאָרגט" בײַ אַ צווייטן. זי פֿאַרשטייט גוט — די פֿרעמדע פֿאַנטאַזיע קאָן נאָר מאַכן אײַנגעשרומפּן איר אייגענע וויזיע. ווען איך טראַכט וועגן איר שאַפֿונג, דערפֿיל איך אַ נאָענטשאַפֿט פֿון פּאָעטישקייט, לירישקייט, עמאָציאַנעלקייט. פּאָעזיע איז פֿאַר איר דער צושטאַנד, אין וועלכן זי עקזיסטירט. די בילדער פֿון דער מאָלערין דריקן אויס דעם וווּנטש פֿון דער באַשאַפֿערין נישט צו געפֿעלן זײַן, נאָר צו ווערן פֿאַרשטאַנען. זי חנפֿעט נישט און וויל נישט יוצה זײַן פֿאַר די וואָס קומען אויף אירע אויסשטעלונגען. עס טרעפֿט אָפֿט, אַז מע לערנט זיך אויס גוט צו רעדן, אָבער מע האָט נישט וואָס צו זאָגן. איטעלאַ האָט יאָ וואָס צו זאָגן.
ס‘איז שווער צו ווערן אַ קינסטלער. ס‘איז שווער צו זײַן אַ קינסטלער, און ס‘איז נאָך שווערער צו פֿאַרבלײַבן אַ קינסטלער. אָבער מאַסטבאַום איז תּמיד אין וועג, מחמת דעם קינסטלער איז נישט אַזוי וויכטיק צו וויסן וווּ ער געפֿינט זיך; וויכטיקער איז צו פֿאַרשטיין די ריכטונג, אין וועלכער דער קינסטלער באַוועגט זיך. איך בין זיכער, אַז איטעלאַ מאַסטבאַום גייט אין אַ ריכטיקער ריכטונג אין איר שאַפֿונג. זי קאָן זיך באַציִען צו זיך מיט אָפּשײַ ווײַל זי האָט אין אַלע צײַטן געשאַפֿן נאָר דאָס, וואָס זי האָט געוואָלט שאַפֿן און געטאָן עס מיט ליבע. זי האָט קיינעם נישט געוואָלט איבערשרײַען. | ||||||||||
|
Back to the Main Page צוריק צו דער הויפּט־זײַט |
Back to the Articles List צו אַנדערע אַרטיקלען |
Return to Top צום אַנהייב |